ਮੁਜ਼ੱਮਿਲ ਅਲੀ ਖ਼ਾਨ ਨੇ 3 ਅਕਤੂਬਰ ਨੂੰ ਸਰਕਾਰੀ ਕਾਲਜ, ਮਾਲੇਰਕੋਟਲਾ ਦਾ ਦੌਰਾ ਕੀਤਾ ਅਤੇ ਵਿਦਿਆਰਥੀਆਂ ਦੇ ਰੂਬਰੂ ਹੋਏ।
ਉਨ੍ਹਾਂ ਕਿਹਾ ਕਿ ਮਕਸਦ ਸਿਰਫ਼ ਮਿਲਣਾ ਨਹੀਂ ਸੀ, ਸਗੋਂ ਜ਼ਮੀਨੀ ਪੱਧਰ ਉੱਤੇ ਵਿਦਿਆਰਥੀਆਂ ਦੇ ਮਸਲਿਆਂ ਅਤੇ ਮੁਸ਼ਕਿਲਾਂ ਨੂੰ ਨੇੜਿਓਂ ਸਮਝਣਾ ਸੀ। ਵਿਦਿਆਰਥੀਆਂ ਨੇ ਬੇਬਾਕੀ ਨਾਲ ਆਪਣੇ ਵਿਚਾਰ ਸਾਂਝੇ ਕੀਤੇ ਅਤੇ ਪੜ੍ਹਾਈ ਵਿੱਚ ਆ ਰਹੀਆਂ ਅੜਚਣਾਂ ਤੇ ਕਾਲਜ ਦੇ ਅਹਿਮ ਮਸਲਿਆਂ ਬਾਰੇ ਲੰਮੀ ਗੁਫ਼ਤਗੂ ਹੋਈ।
ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਯਕੀਨ ਦਿਵਾਇਆ ਕਿ ਉਨ੍ਹਾਂ ਦੀ ਹਰ ਗੱਲ ਪੂਰੀ ਸੰਜੀਦਗੀ ਨਾਲ ਸੁਣੀ ਗਈ ਹੈ, ਅਤੇ ਕਿਹਾ ਕਿ ਉਹ ਉਨ੍ਹਾਂ ਦੀ ਆਵਾਜ਼ ਸਹੀ ਮੰਚ ਤੱਕ ਪਹੁੰਚਾਉਣ ਅਤੇ ਇਨ੍ਹਾਂ ਮਸਲਿਆਂ ਦਾ ਸਥਾਈ ਹੱਲ ਕੱਢਣ ਲਈ ਵਚਨਬੱਧ ਹਨ।
ਜਦੋਂ ਨੌਜਵਾਨਾਂ ਦੀ ਸੋਚ ਅਤੇ ਤਜਰਬਾ ਮਿਲਦੇ ਹਨ, ਤਾਂ ਸਮਾਜ ਦੀ ਤਸਵੀਰ ਬਦਲਣੀ ਤੈਅ ਹੈ।ਮੁਜ਼ੱਮਿਲ ਅਲੀ ਖ਼ਾਨ
